Etxepare Euskal Institutuak egindako Ezohiko Deialdiaren baitan Argentina, Txile eta Uruguaiko euskal etxeetan irakasle ari diren Euskara Munduan programako ikasleek uztailaren 26tik 28ra egingo dituzte euren euskara maila egiaztatzeko probak, Buenos Airesen. Deialdi berezi honen arduraduna Euskara Munduan programako erreferente den Jose Francisco Zinkunegi izango da eta aztertzaileak, berriz, Irene Lopez de Vicuña eta Sabrina Otegui irakasle argentinarrak.

Mikel Zalbide hizkuntzalari eta euskaltzainak Euskaltzaindiaren mendeurrenaren inguruko hitzaldia emango du bihar Leipzigeko Unibertsitatean. Ekitaldia arratsaldeko 17:15etan izango da Leipzigeko Unibertsitateko Hörsaal 15 aretoan. Zalbidek Euskaltzaindiaren azterketa soziolinguistiko bat eskainiko du eta euskal akademiaren sorrera, garapena eta mende honetan zehar izandako mugarriak jorratuko ditu, besteak beste.

Jada hautatu da 2019ko “Aurten, euskara bai!” Ipuin-lehiaketako irabazlea. Poloniako Poznan hiriko Adam Mickiewicz Unibertsitateko Barbara Regina Szewczyk ikaslea izan da saritua, eta honek udaran Zornotzako Barnetegian egonaldia burutzeko aukera izango du, gastu guztiak barne.

Bederatzigarren edizioa izango du aurten Etxepare Euskal Institutuak EHU-UPVrekin elkarlanean Udako Ikastaroetan antolatutako “Bikaintasuna Euskal Ikasketetan” ikastaroak. Aurten euskal kultura eremu digitalean izango du ardatz, eta euskara eta euskal kultura atzerrian irakatsi nahi duten irakasleak bilduko ditu bi egunez Donostian.

- Sortzaileen mugikortasuna sustatzeko, euskal kultura zabaltzeko, literatura itzulpenak egiteko eta arte azoketan parte hartzeko diru-laguntzak eskatzeko epea zabalik dago, baita bidaia poltsak eskatzekoa ere.

- Ekainean zehar zabalduko dira ikus-entzunezkoen, arte eszenikoen, liburuen eta musikaren alorreko nazioarteko azoketan parte hartzeko diru-laguntzak.

Urtero moduan, aurten ere genero ezberdinetako euskal artistei babesa eta garapen internazionala errazteko zenbait diru-laguntza emango ditu Etxepare Euskal Institutuak. Une honetan, zortzi deialdi daude zabalik.

Etxepare Euskal Institutua bigarren urtez arduratuko da Helduen Euskalduntzearen Oinarrizko Curriculumean zedarritutako B1, B2 eta C1 euskara-mailak egiaztatzeaz, euskararen eremutik kanpoko Euskal Etxeetan.

Etxepare Euskal Institutua bigarren urtez arduratuko da Helduen Euskalduntzearen Oinarrizko Curriculumean zedarritutako B1, B2 eta C1 euskara-mailak egiaztatzeaz, euskararen eremutik kanpoko Euskal Etxeetan.

2018-2019 ikasturteko Bartzelonako Irakurle Klubaren azken jardunaldia ospatuko dute datorren maiatzaren 28an, azken urteetan euskal kulturaren epizentro bilakatu den Agustí Centelles liburutegian.

Nazioarteko bost unibertsitatetan Euskara eta Euskal Kultura irakasteko irakurle berri bana hautatzeko deialdi publikoa zabaldu du Etxepare Euskal Institutuak.