Europar Batasuneko Kultur Institutu Nazionalek Etxepare Euskal Institutua haiekin elkarlanean aritzera gonbidatu dute

Euskara. Kultura. Mundura.

2014-09-10

Euskadiren Europar Batasuneko Ordezkaritzaren sostengu eta lankidetza estuarekin, Etxepare Euskal Institutua Europar Batasuneko Kultura Institutu Nazionalekin elkarlanean aritzera gonbidatu dute. Gainera, Europar Batasuneko eta Belgikako kultura erakunde garrantzitsuenekin –hala nola BOZAR erakundearekin- komunikatzeko eta lanerako bideak sendotzeko aukera izan du Institutuak egunotan.

Etxepare Institutuko zuzendari Aizpea Goenaga Bruselan betetzen ari den lan-misioa euskal kultura eta sorkuntzaren industriaren eta euskara hizkuntzaren kanpo-posizionamenduaren estrategiaren baitan sartzen da, aurretik ere Europako erakundeekin eta Belgikako kultura erakundeekin egindako lan-ibilbideari eutsiz. Aste honetan izandako harremana estretagikoak ere europar mailakoak izan dira, euskal kulturaren sektoreari aukera zehatzak zabaltzeko balioko dute.

 

Euskadiren Europar Batasuneko Ordezkaritzaren sostengu eta lankidetza estuarekin, Etxepare Euskal Institutua Europar Batasuneko Kultura Institutu Nazionalekin elkarlanean aritzera gonbidatu dute. Gainera, Europar Batasuneko eta Belgikako kultura erakunde garrantzitsuenekin –hala nola BOZAR erakundearekin- komunikatzeko eta lanerako bideak sendotzeko aukera izan du Institutuak egunotan.

Etxepare Institutuko zuzendari Aizpea Goenaga Bruselan betetzen ari den lan-misioa euskal kultura eta sorkuntzaren industriaren eta euskara hizkuntzaren kanpo-posizionamenduaren estrategiaren baitan sartzen da, aurretik ere Europako erakundeekin eta Belgikako kultura erakundeekin egindako lan-ibilbideari eutsiz. Aste honetan izandako harremana estretagikoak ere europar mailakoak izan dira, euskal kulturaren sektoreari aukera zehatzak zabaltzeko balioko dute.

Aizpea Goenagak 28 Kultura Institutu Nazionalek (Goethe, Alliance Française, Camoes, eta abar.) osatzen duten EUNIC europar sarearen Zuzendaritza Batzordean esku hartu du gaur goizean; Etxepare Euskal Institutuaren jardunbideen berri eman du bertan, bai eta kooperaziorako eta elkarlanerako proposamen zehatzak mahaigaineratu ere.

Etxepare Euskal Institutuko zuzendariak azpimarratu duen bezala, “apartekoa da EUNIC europar sareak geu esku hartzera gonbidatzea eta Kultura Erakunde Nazionalen aurrean aurkeztera; horrek erakusten du aspaldi honetan nazioarteko erakundeekin sustatu dugun lankidetzak fruituak ematen hasi dela”.

Halaber, Etxepare Euskal Institutua Europako Batzordearekin eseri da Europar mailako artisten mugikortasunari eta lankidetza kulturalari lotutako aukerak zehazteko eta proposatzeko, kultura sektorearen finantziazio-bideak biltzen dituen Europako Creative Europe Programaren baitan.

Beste alde batetik, Aizpea Goenagak Belgikako Arte Ederretako erreferentziazko zentro nazionaleko –BOZAR- arduradunei euskal kultura bistaratzea helburu duten zenbait lankidetza eta programazio proposamen egin dizkie.

Harpidetu gure Newsletterrera informazio gehiago jasotzeko

Gune hau reCAPTACHAk babestuta dago eta Googleko Pribatutasun Politika zein Zerbitzuaren Baldintzak aplikatzen dira.