Albisteak
Albisteak
Irakurri euskara eta euskal kultura eta sorkuntzaren garaikidearen alorreko berriak.
Euskara. Kultura. Mundura.
-
Nazioarteko euskal hiztun komunitatea saretuko du Korrika Munduan ekimenak
‘Euskara gara’ lelopean, martxoaren 19tik 29ra abiatuko da 24. Korrika. Eta oraingoan ere, Etxepare Euskal Institutuarekin elkarlanean, nazioartera ere zabalduko da lasterketa, hamaika jardueraren bitartez.
-
Etxepare Euskal Institutuak Euskal Arte Sistemarekin duen konpromisoa berretsi du
Gasteizko Artium museoan izandako agerraldian, euskal arteak herriaren nortasuna nazioarteko agertokietara eraman eta mundu mailan aitortua izateko duen gaitasuna azpimarratu dute euskal arte sistema osatzen duten erakunde, arte-zentro eta artistek.
-
Euskal ikasketen minorra eskainiko du Sorbonne Nouvelle unibertsitateak
2026-2027 ikasturteko iberiar penintsulako eskualdeetako hizkuntzak eta kulturei buruzko espezializazio-programa ezagutarazteko ate irekiak antolatu ditu Sorbonne Nouvellek.
-
Damaris Pan eta Matthias Malefond, Kometak proiektuko egonaldirako lehen artista hautatuak
Etxepare Euskal Institutuak, Uharte Arte Garaikideko Zentroak eta Zébra3 elkarteak KOMETAK proiektuaren arte plastiko eta ikusizkoen eremuko lehen egonaldirako sortzaileen izenak ezagutarazi dituzte.
-
Edinburgoko Fringe jaialdiaren 2026ko edizioan parte hartzeko deialdia, irekita
Jaialdia 2026ko abuztuan ospatuko da, eta ADDErekin batera, euskal dantza profesionalei dei egiten die Etxepare Euskal Institutuak.
-
Irakurletza, katedra eta ikerketa-programa bana, batera
Buenos Airesko UNSAM unibertsitatea Etxepare Euskal Institutuko sare akademikoaren lehen goi-mailako zentroa da halako eskaintza akademikoa sustatzen.
-
Udako euskara barnetegia Buenos Airesen
Euskara Munduan programaren baitan, irakasle lanetan jardungo diren ikasleei zuzendutako trebakuntza saioa antolatu du egunotarako Etxepare Euskal Institutuak.
-
Izaki Gardenak, Marte Lasarte eta Süne, Artistas en Ruta programaren hurrengo ziklorako hautatuak
Ezagutu gertutik AIEnRuta programaren aurtengo lehengo zikloan parte hartuko duten euskal taldeak.
-
Nazioarteko musika-azoka eta -topaketetan parte hartzeko deialdiak irekita
Euskal musika sektoreari zuzenduriko BIME Bogotá eta Dantz Network Congress hitzorduetan parte hartzeko deialdiak jarri dira martxan egunotan.