Euskal komikigintzak berezko gunea izango du lehen aldiz Bruselako Komiki Jaialdian

Euskara. Kultura. Mundura.

2015-09-03

Etxepare Euskal Institutuaren eskutik, eta Euskadiren Europar Batasuneko Ordezkaritzarekin elkarlanean, euskal komikigintzak Bruselako Fête de la BD / Strip Feest Nazioarteko Komiki Jaialdian parte hartuko du, lehen aldiz, irailaren 4tik 6ra bitartean.  EUNIC kultura institutu nazionalen europar sarekideekin lankidetzan antolatutako ekintza da; Etxepare Institutua 2015eko urtarrilean bilakatu zen sare horren partaide.

Bruselakoa nazioarteko topaketa mota horretako esanguratsuenetako bat da, Frantziako Angoulême hiriko jaialdiarekin batera. Eta aurten Euskadiri eskainitako gune berezi bat izango du, Bruselako Parkeko (Place des Palais) Nazioarteko Pabiloian, gainontzeko herrialde eta kontinenteetatik etorritako proposamenekin batera. Bertan izango da euskal komikigintzari eskainitako berariazko gunea, eta han izango dira gainera Dani Fano, Gregorio Muro eta Maite Gurrutxaga euskal sortzaileak, modu aktiboan esku hartuko dutenak, eta euren lanak.

Jaialdian bilduko den ikuslego ugariak zein profesionalek eta argitaldariek euskal komikigintzaren produkzioaren ahalmen sortzailearen berri izateko parada izango dute; euskal artistek asteburuan eskainiko dituzten tailerretan parte hartzeko aukera ere izango dute. Bestalde, komikigileek nazioarteko egileekin eta argitaletxeekin bilduko dira.

Etxepare Euskal Institutuaren eskutik, eta Euskadiren Europar Batasuneko Ordezkaritzarekin elkarlanean, euskal komikigintzak Bruselako Fête de la BD / Strip Feest Nazioarteko Komiki Jaialdian parte hartuko du, lehen aldiz, irailaren 4tik 6ra bitartean.  EUNIC kultura institutu nazionalen europar sarekideekin lankidetzan antolatutako ekintza da; Etxepare Institutua 2015eko urtarrilean bilakatu zen sare horren partaide.

Bruselakoa nazioarteko topaketa mota horretako esanguratsuenetako bat da, Frantziako Angoulême hiriko jaialdiarekin batera. Eta aurten Euskadiri eskainitako gune berezi bat izango du, Bruselako Parkeko (Place des Palais) Nazioarteko Pabiloian, gainontzeko herrialde eta kontinenteetatik etorritako proposamenekin batera. Bertan izango da euskal komikigintzari eskainitako berariazko gunea, eta han izango dira gainera Dani Fano, Gregorio Muro eta Maite Gurrutxaga euskal sortzaileak, modu aktiboan esku hartuko dutenak, eta euren lanak.

Jaialdian bilduko den ikuslego ugariak zein profesionalek eta argitaldariek euskal komikigintzaren produkzioaren ahalmen sortzailearen berri izateko parada izango dute; euskal artistek asteburuan eskainiko dituzten tailerretan parte hartzeko aukera ere izango dute. Bestalde, komikigileek nazioarteko egileekin eta argitaletxeekin bilduko dira.

Harpidetu gure Newsletterrera informazio gehiago jasotzeko

Gune hau reCAPTACHAk babestuta dago eta Googleko Pribatutasun Politika zein Zerbitzuaren Baldintzak aplikatzen dira.