Zubiaurre Erroman 2023: Bilboko Koral Elkartea

Bilboko Koral Elkarteak hiru kontzertu emango ditu Erroman, martxoaren 10etik 12ra bitarte. Kontzertu programa hau, Erromako Espainiako Errege Akademiaren 150. urteurrenaren testuinguruan,  Valentin de Zubiaurre konpositore bizkaitarraren obra omendu eta berrinterpretatzeko eta Erroman egindako lana gogora ekartzeko proposatu du Bilboko Koral Elkarteak.

Programa honek Etxepare Euskal Institutuaren eta Bizkaiako Foru Aldundiaren babesa jaso dute.

• Martxoaren 10ean: Erromako Espainiako Errege Akademian, akademiaren 150. urteurrenaren ospakizunean.
• Martxoaren 11n: Erromako Santiago eta Montserrateko Eliza Nazional Espainiarrean.
• Martxoaren 12an: Vatikanoko San Pedro Basilikan.

Estreinaldia eta Vatikanoko San Pietro Basilikan emanaldia egin ondoren, taldeak Madrilgo Errege Kaperan, Bilbao Ars Sacrum jaialdian eta San Juan de Garai elizan eskainiko ditu emanaldiak.  

Valentin Maria Zubiaurre (Garai, 1837 - Madril, 1914), aurten 150. urteurrena ospatuko duen Espainiako Akademiaren Erromako egoitzako lehen apopiloa eta ia berrogei urtez (1875-1914) Madrilgo Errege Kaperako maisua, XIX. mendeko musikaren esparruko egile ahaztuetako bat da.  

Bilboko Koral Elkarteak haren obrak, nagusiki erlijio-alorrekoak, berreskuratu nahi izan ditu Eresbiletik (Euskal Musikaren Artxiboa), besteak beste ´La Pasión de Nuestro Señor Jesucristo´ oratorioa, Erromako Espainiako Akademiaren 1874an eskaini zion bekaren truke konposatu zuena eta, bai Bizkaiko Foru Aldundiarekin bai Etxepare Euskal Institutuarekin lankidetzan, argia mende eta erdi geroago ikusiko duena. Partituraren interpretazioa, Ángel Brizek editatua eta Jean Michel Olivaresek grabatua, Enrique Azurzak zuzendu du, bere koralista Ana Otxoa sopranoaren, Beñat Egiarte tenorraren, Julen García eta Juan Laborería baritonoen ahotsekin, eta pianoan eta organoan Ander Marzanak eta Alberto Sáez Puentek lagunduta, hurrenez hurren. 

Proiektu hau konpositorearen obra  erdigunean jartzen du, garai modernoetan eta gaur egungo baliabide guztiekin egindako omenaldi batean. Bilboko Koral Elkarteak Erroman eskainiko dituen kontzertuak Enrique Azurzak zuzenduko ditu.