Elbira Zipitria katedra: Miren Azkarate

Etxepare Euskal Institutua Montrealgo McGill Unibertsitatean sustatzen duen Elbira Zipitria katedraren Aurtengo ikerlari gonbidatua Miren Azkarate filologoa, bi asteko  ikerketa egonaldia egingo du Montrealen.

Azkaratek katedraren programazioaren barruan hainbat hitzaldi eta eskola emango ditu McGill Unibertsitatean. 

• Irailak 21. Katedraren aurkezpena. McGilleko Hezkuntza Fakultateko kideei aurkezpena, Hezkuntzako Ikasketa Integratuen Departamentukoa (DISE), Hezkuntza Fakultateko 233. Aretoan.
• Irailak 22. Hitzaldi nagusia, 11:30etan (UCT -4), egingo da: ‘Unibertsitateen eta hirien zeregina hizkuntzen sustapenean, ikaskuntzan eta erabileran, testuinguru minoritario batean. Donostian euskararen eta Montrealen frantsesaren adibideak’.
• Irailak 27. Zoom bidezko frantsesezko aurkezpena Monctongo Unibertsitatean, Isabelle LeBlanc irakasleak hizkuntza-politikei eta hizkuntza-gutxiengoei buruz egindako ikastaroaren barruan.
• Irailak 29. Frantsesezko aurkezpena Cercle de sociolinguistique du Québec-en, Zoom bidez: euskararen normalizazio prozesua.
• Urriak 2. Yvette Mollen irakaslearekin topaketa Montrealgo Unibertsitatean, Innu hizkuntzaren irakaskuntzan eta sustapenean aditua.
• Urriak 2. Aurkezpena: ‘Hizkuntza-plangintza Euskal Herrian: ezagutzatik erabilerara igarotzeko erronka’.
• Urriak 4. Hitzaldia: ‘Hizkuntza-plangintza Euskal Autonomia Erkidegoko Administrazioan: euskara lan-hizkuntza bihurtzeko erronka’.

Hizkuntza gutxituen hizkuntza plangintzarekin, erabilerarekin eta irakaskuntzarekin lotutako gaietan aditua da Azkarate. Euskararen kasuan zentratu da eta eskoletan, erakunde publikoetan eta hiriguneetara iritsi berrien artean euskararen erabilera sustatzeko beharrezkoak diren estrategietan, ekintzetan eta proiektuetan ere.

Euskal ikasketen irakaskuntza kultur berrikuntzari lotuta, irakaskuntzan eta gizartean euskararen sustapena lantzen du katedrak, 2022tik. Urteroko egitaraua bideratzeko McGill Unibertsitateko Letren Fakultatea eta Ingeniaritza Fakultateaz gain, Center for Interdisciplinary Research on Montreal ikerketa zentroak ere egiten du lan. Elbira Zipitria katedra 2022an sortu zen, eta katedraren aurkezpen ekitaldian Idoia Fernandezek, Miren Azkaratek eta Pablo Suberbiolak parte hartu zuten, euskal kultura eta kultur berrikuntza gaiak jorratu ziren jardunaldian.