Elena Odriozolak Urrezko Sagarra saria irabazi du Bratislavan

Euskara. Kultura. Mundura.

2015-09-03

Elena Odriozola ilustratzaileak Urrezko Sagarra jasoko du bihar Bratislavako Ilustrazio Biurtekoan (Eslovakia) Mary Shelleyren  Frankenstein libururako sortutako lanagatik (Nordika Libros, 2013).  Galtzagorri Elkarteak proposatu zuen lan honen hautagaitza  sariketarako, OEPLIren bidez.  Bratislavako iurtean nazioarteko ilustratzailerik onenen lanak saritzen dituzte eta saririk garrantzitsuenetarikoa da ilustratzaileen artean; Odriozola Bratislavako Urrezko Sagarra jasotzen duen bigarren euskal ilustratzailea bihurtuko da, Asun Balzolaren ondorenean. Balzolak 1985ean jaso zuen Bernardo Atxagak idatzi eta berak ilustratutako Txitoen istorioa (Erein, 1984) liburuari esker.

Sari banaketa ekitaldia irailaren 4an izango da Slovak National Theatre antzokian, arratsaldeko 17:00etan, eta bertan izango da artista donostiarra, Etxepare Euskal Institutuaren babesarekin. Elena Odriozolak aurten Espainiako Ilustrazio Sari Nazionala ere jaso du, bere sortze-lanaren “berrikuntzarako gaitasuna” eta “indar narratiboa” direla eta.

Zorionak!

Elena Odriozola ilustratzaileak Urrezko Sagarra jasoko du bihar Bratislavako Ilustrazio Biurtekoan (Eslovakia) Mary Shelleyren  Frankenstein libururako sortutako lanagatik (Nordika Libros, 2013).  Galtzagorri Elkarteak proposatu zuen lan honen hautagaitza  sariketarako, OEPLIren bidez.  Bratislavako iurtean nazioarteko ilustratzailerik onenen lanak saritzen dituzte eta saririk garrantzitsuenetarikoa da ilustratzaileen artean; Odriozola Bratislavako Urrezko Sagarra jasotzen duen bigarren euskal ilustratzailea bihurtuko da, Asun Balzolaren ondorenean. Balzolak 1985ean jaso zuen Bernardo Atxagak idatzi eta berak ilustratutako Txitoen istorioa (Erein, 1984) liburuari esker.

Sari banaketa ekitaldia irailaren 4an izango da Slovak National Theatre antzokian, arratsaldeko 17:00etan, eta bertan izango da artista donostiarra, Etxepare Euskal Institutuaren babesarekin. Elena Odriozolak aurten Espainiako Ilustrazio Sari Nazionala ere jaso du, bere sortze-lanaren “berrikuntzarako gaitasuna” eta “indar narratiboa” direla eta.

Zorionak!

 

Ilustrazioa: Elena Odriozola. Frankenstein

Harpidetu gure Newsletterrera informazio gehiago jasotzeko

Gune hau reCAPTACHAk babestuta dago eta Googleko Pribatutasun Politika zein Zerbitzuaren Baldintzak aplikatzen dira.