Euskal dokumental proiektuen nazioartekotzerako aholkularitza, bihartik aurrera Tabakaleran

Etxepare Institutuak, Europa Creativa Desk MEDIA Euskadi-Zineuskadi  bulegoak eta IBAIAren arteko lankidetzari esker, euskal enpresek garatutako 8 proiektuk parte hartuko dute bihar Tabakaleran hasiko diren aholkularitza-jardunaldietan. Hiru egunez (martxoak 20-22), aholkularitza pertsonalizatua jasoko dute proiektuek, hala nola, nazioarteko foro ezberdinetako ordezkarien hitzaldiak jaso.

Etxepare Institutuak, Europa Creativa Desk MEDIA Euskadi-Zineuskadi  bulegoak eta IBAIAren arteko lankidetzari esker, euskal enpresek garatutako 8 proiektuk parte hartuko dute bihar Tabakaleran hasiko diren aholkularitza-jardunaldietan. Hiru egunez (martxoak 20-22), aholkularitza pertsonalizatua jasoko dute proiektuek, hala nola, nazioarteko foro ezberdinetako ordezkarien hitzaldiak jaso.

Iaz Etxepare Institutuak eta IBAIAk elkarlanean antolatutako lehen edizioak arrakasta izan ondoren, Europa Creativa Desk MEDIA Euskadi-Zineuskadi bulegoak bat egin du proiektuarekin hurrengo edizioari begira, haren esperientzia eta Europako inguruneaz duen ikuspegia ekarriz nazioarteko merkatu eta Foroetan euskal proiektuen presentzia bultzatzeko asmoarekin.

Proiektuak hasierako garapen-fasean indartzeko helburuarekin, banan banako aholkularitza-saioak egingo dira Catherine Ulmer andrearen zuzendaritzapean, baita parte hartzen duten proiektuak bateratzeko saio bat ere. Halaber, Sunny Side of the Doc dokumentalen azokako zuzendari Yves Jeanneau-ren eta Lau Haizetara Dokumentalen Koprodukzioko Foroko Catherine Ulmerren aurkezpenak izango dira, haien funtzionamenduaren giltzarrien berri eman dezaten eta enpresek ekitaldi horietan parte hartzeko bidea erraz dezaten.

Ikusi programa osoa.