MMVV 2026: Marte Lasarte + Sara Zozaya + Ke Lepo

Irailak 18 | 19:30 | La Catedral DICE

Pop elektronikoaren eta rockaren arteko eremuan mugitzen den zuzeneko indartsu eta atmosferikoa eramango du Marte Lasartek Mercat de Música Viva de Vic jaialdira. Sintetizadoreek, gitarrek eta erritmo elektronikoek osatutako soinu-unibertso propioarekin, taldeak intentsitatea eta melodia uztartzen dituen proposamena aurkeztuko du.

Donostian sortutako Marte Lasarte Borja Antón eta Pello Armendarizen proiektua da, Skakeitan taldearen desegitearen ondoren sortua. Bikoteak pop elektronikoa eta rocka uztartzen ditu, zuzeneko sendo eta garaikide baten bidez.

Irailak 17 | 22:00 | Església dels Dolors

Sara Zozaya eta Ke Lepo euskal eszena garaikideko bi proposamen berezi elkartuko dira Mercat de Música Viva de Vic jaialdian. Elektronika, pop esperimentala eta giro intimoak abiapuntu hartuta, bi artistek beren soinu-unibertsoak gurutzatuko dituzte horretarako bereziki egokia den Església dels Dolors espazioan.

Sara Zozayak pop intimista eta esperimentala lantzen du, ahotsa, elektronika eta testura atmosferikoak uztartuz. Ke Lepok, Alejo Orbegozo musikariaren proiektuak, sintetizadoreen eta musika elektronikoaren aukerak esploratzen ditu. MMVVko emanaldiak musika garaikidea ulertzeko bi modu pertsonal elkartuko ditu oholtza gainean.

Badiola i Datzira bikoteak, Musika Bulegoak eta Fabra i Coats: Fàbrica de Creació-k sustatutako Ozen i Fort proiektuaren bigarren edizioan sortutako errepertorioa aurkeztuko du zuzenean 38. Mercat de Música Viva de Vic jaialdian. Xabier Badiolaren eta Magalí Datziraren arteko lankidetza artistikoak egonaldi artistikoan sortutako kantu berriak oholtzara eramango ditu lehen aldiz.

Església dels Dolors (Vic)
2026ko irailaren 17a
19:45