Centro Dramático Nacional: Sisiforen Paperak

Euskara. Kultura. Mundura.

Centro Dramático Nacional: ´Sisiforen Paperak´
  • 09
    Api 2021
    02
    Mai 2021
    Madril

‘Sisiforen Paperak’ antzezlana Madrilgo Centro Dramático Nacionalen egongo da ikusgai apirilaren 9tik maiatzaren 2ra bitarte. Apirilaren 29 eta 30ean, antzezlana jatorrizko bertsioan ikusi ahal izango da, euskaraz, gaztelaniazko goitituluekin.

Harkaitz Canok idatzi eta Fernando Bernuesek zuzendutako lan hau “Egunkaria auzian” libreki inspiratuta dago, eta kazetaritzari eta bidegabeki itxi dituzten komunikabideei egindako omenaldia da.

Antzezlaneko pertsonaietako batek dioen moduan, egunkari bat «Gerra eta Bakea bezalakoa da, baina txikian». Egunero iraungitzen den eleberri amaigabea. Munduko kaosa lau zutabetan estututa. Ez da harritzekoa bokazioak bultzatuta aritzea, kazetariena ezinezko misioa baita: egunkariko erredakzioan prekarietateari eta etsipenari aurre egiten diete eta erloju kontra dihardute zehaztasunaren eta egiatasunaren alde; bien bitartean, botereak hariak mugitzen ditu informazioa kontrolatzen saiatzeko. Ikertzea eta galdetzea kazetariaren zeregina da, baina, zer gertatuko litzateke egoera aldatu eta galdekatutakoa kazetaria bera balitz?

Antzezlana Centro Dramático Nacionalen eta Arriaga, Principal eta Victoria Eugenia antzokien arteko ekoizpena da. Etxepare Euskal Institutuak INAEMekin duen lankidetzari esker, Madrilgo ikuslegoak antzezlana jatorrizko hizkuntzan ere –euskaraz- gozatzeko para izango du.

Harpidetu gure Newsletterrera informazio gehiago jasotzeko

Harpidetu