Fringe Festival, Dance Base 2024: Macarena Recuerda Shepherd

Edinburgh Fringe Festival munduko kultur ekitaldi handienetariko eta garrantzitsuenetako bat da. Urtero ospatzen da Edinburgon, Eskozian, abuztuan zehar, Edinburgoko Nazioarteko Jaialdiarekin batera. Bertan, Dance Base dantza azoka ospatzen da. Artistentzat oso plataforma garrantzitsua da, bai ikusgarritasunagatik eta baita nazioarteko kulturgileekin Networking aukeragatik.

Etxepare Euskal Institutuak, ADDE euskal dantza profesionalen elkartearekin  elkarlanean, 2024ko abuztuaren 5etik 12ra ospatuko den Fringe Festival-en (Edinburgo, Eskozia) parte hartzeko deialdia luzatu zien euskal dantza konpainia profesionalei. Deialdi horren emaitza Macarena Recuerda Shepherden parte hartzea da. ‘The Watching Machine’ lana aurkeztuko du Dance Basen.

Abuztuaren 6tik 11ra emanaldia egingo du egunero 17:15ean.

‘The Watching Machine’ ilusionismoari buruzko trilogia baten bigarren pieza da. Argia eta itzalak ilusio optikoen bidez fikzionalizatzen diren instalazio txikiz osatutako pieza.