Giornata Mondiale della Poesia 2024: Angel Erro

Nazioarteko Poesiaren Egunaren harira euskal poesiaren eta poesia katalanaren inguruan egitarauak antolatu dituzte Italiako Università Ca’ Foscari Veneziaeta Universitá di Bologna-n, astelehen eta astearterako, martxoak 18 eta 19, hurrenez hurren, ‘Gorputza, poesia eta nortasuna’ izenburupean. Angel Erro euskal idazle eta itzultzaileak hartuko du parte bietan, Pol Guasch poeta katalanerekin batera. Iñaki Alfaro Etxepare Euskal Institutuko eta Paula Marqués Institut Ramon Llulleko irakurleek antolatu dute jardunaldia, bi unibertsitateekin elkarlanean.

Euskal Herriko eta Kataluniako poesia garaikidearen bidez gorputza eta kultura irudikatzeko eta elkarri lotzeko moduei eta nortasun pertsonal eta kolektiboari buruz hausnartzeko xedea dute jardunaldiek.

Martxoak 18 — 10.45- 13.30| Università Ca’ Foscari Venezia. Sala B, Ca’ Bernardo

Angel Erro eta  Pol Guasch | Sarrera doan.

Martxoak 19 — 10.45- 13.30| Università di Bologna. Sala Giunta, via Cartoleria, 5.

Angel Erro eta  Pol Guasch | Sarrera doan.