University of Massachusetts Amherst-William Douglass Katedra: Kirmen Uribe

Etxepare Euskal Institutuaren nazioarteko euskal ikasketen sarearen barruan, William A. Douglass Chair in Basque Cultural Studies katedrak Kirmen Uribe idazle eta poeta hartuko du gonbidatu urriaren 28an eta 29an, University of Massachusetts Amherst unibertsitatean.

Katedra UMass Amherst-eko Spanish and Portuguese Program-en dago kokatuta, Department of Languages, Literatures, and Cultures sailaren barruan, eta Etxepare Basque Instituterekin elkarlanean euskal hizkuntza, literatura eta kulturaren ezagutza eta nazioarteko truke akademikoa sustatzen ditu.

Kirmen Uribe UMass Amherst-en

New Yorken bizi den Kirmen Uribe nazioartean ezaguna den idazlea da. Bere lanak migrazioa, erbestea, identitatea eta memoria bezalako gaiak jorratzen ditu, eta 25 hizkuntza baino gehiagotara itzuli dira.

Urriak 28: Karmele filmaren emanaldia

16:00 · South College E470

Karmele (2025) filmaren emanaldia. Asier Altunak zuzendutako filma Kirmen Uriberen Elkarrekin esnatzeko ordua (2016) eleberrian oinarrituta dago.

Urriak 29: idazketa garaikideari buruzko saioa

14:30 · Herter 117

“Writing in the Twenty-First Century: Archive, Form, and Fiction”

SPAN 321 ikasgaiko saioan, Kirmen Uribek gaur egungo idazketari, artxiboari, formari eta fikzioari buruz jardungo du.

Urriak 29: “Basque and Me: Language, Memory, and Literature”

17:00 · Herter 301

Jendeari irekitako hitzaldian, Uribek euskararen, memoriaren eta literaturaren arteko harremanak izango ditu hizpide.

Jarduerak Etxepare Basque Instituteren babesarekin antolatu dira, UMass Amherst-eko hainbat programa eta sailen laguntzarekin, eta unibertsitate-komunitateari zein publiko zabalagoari irekita egongo dira.