BASQUE. MUSIC. BIME Bilbo deialdia
2025/06/02
Euskara. Kultura. Mundura.
2025eko urriaren 28tik 31ra egingo da BIME Bilbo nazioarteko musika topaketaren hurrengo edizioa. BASQUE. MUSIC.-ek BIMErekin elkarlanean, euskal musikari eta taldeak jaialdiko showcasetan aurkez daitezen deialdia ireki du, tokiko talentuaren nazioarteko hedapenean lan egiten jarraitzeko helburuarekin.
Parte hartzeko, galdetegi hau bete behar da ekainaren 23 baino lehen.
Aurkeztutako proposamenen artean, BIMEko programazio arloak hiru hautatuko ditu. Hautatutako artistek Bime Live jaialdiaren programazioan, bertako zein atzerriko profesionalen aurrean, showcase bat eskainiko dute. Emanaldia eskaintzeaz gain, hautatuek jardunaldi profesionaletan parte hartzeko aukera izango dute, kultura eta sormen industrietako sektorearekin sare profesionalak sortzeko aukera paregabea edukiz.
BASQUE. MUSIC.-ek diru-kopuru bat bideratuko du kontzertu honetako gastuak ordaintzeko. Hemen kontsulta daitezke oinarriak.
Lotutako edukia
-
Sortzaileak mugikortasunean laguntzeko bi deialdi berri
Plazaratu dira AT! Euskal dantza eta abesbatzak eta AT! Euskal Kultura mugikortasuna sustatzeko dirulaguntza deialdiak.
-
Abian dira mugikortasunean laguntzeko AT! deialdiak
Plazaratu dira antzerkia, dantza, musika, arte plastiko eta ikusizkoak, zinema eta literaturaren alorreko sortzaileen mugikortasuna sustatzeko dirulaguntza deialdiak. Prozedura azkartu eta sortzaileen ziurgabetasuna murrizteko helburuz, baldintzak betetzea nahikoa izango da dirulaguntza jasotzeko.
-
Hilario Rodeiro, Mirua eta Silitia Artistas en Ruta programaren hurrengo zikloan
Artistas en Ruta estatu mailako zirkuituak jada aditzera eman ditu 2025. urteko bigarren seihilekoan zuzeneko kontzertuak eskainiko dituzten euskal taldeak: Hilario Rodeiro, Mirua eta Silitia.