Etxepare Euskal Institutuak hiru irakurletza-deialdi zabaldu ditu (2026)
2026/04/15
Euskara. Kultura. Mundura.
Euskal Etxepare Institutuak hiru irakurletza-deialdi zabaldu ditu eta maiatzaren 13ra arte aurkeztu ahal izango dira hautagaitzak. Hautatutako irakurleak honako unibertsitate hauetan arituko dira 2026/2027 ikasturtetik aurrera.
- Universität Leipzig | Euskara eta euskal kulturako irakurlea
- Universidad de Chile y Pontificia Universidad Católica de Chile | Euskara eta euskal kulturako irakurlea
- Tbilisi State University | Euskara eta euskal kulturako irakurlea
Irakurletzak
Mundu osoko unibertsitateekin lankidetza hitzarmenak sinatzen ditugu euskal ikasketak eskaini ditzaten. Eta programa ezberdinen bidez irakaslegoaren prestakuntza eta ikasleen euskara gaitasuna sustatzen dugu. Euskara eta euskal kulturaren nazioarteko onespena indartu eta beste hizkuntza eta komunitate batzuekin elkarguneak sortzeko euskal ikasketak sustatzen ditugu nazioarteko unibertsitate eta goi mailako zentroetan, irakurletza programaren bitartez.
Lotutako edukia
-
Euskal ikasketak Liverpooleko unibertsitatean: Manuel Irujo beka-deialdia zabalik
2026ko irailean hasiko den beka honek euskal ikasketei buruzko ikerketa garatu nahi duten graduondoko ikasleei zuzendutako aukera eskaintzen du; eskaerak uztailaren 31ra arte.
-
Ça colle au basque 2026ko programa aurkeztu da
2026an euskal sortzaileak Frantzia, Belgika eta Quebeceko 15 jaialdi eta programaziotan izango dira, aliantza-sare zabal baten bidez.
-
Euskal ikasketen minorra eskainiko du Sorbonne Nouvelle unibertsitateak
2026-2027 ikasturteko iberiar penintsulako eskualdeetako hizkuntzak eta kulturei buruzko espezializazio-programa ezagutarazteko ate irekiak antolatu ditu Sorbonne Nouvellek.