Euskararen Nazioarteko Eguna
Euskara. Kultura. Mundura.
-
03Abe 2025
Abenduaren 3ko Euskararen Nazioarteko Egunarekin egingo du bat, aurten ere, Etxepare Euskal Institutuak. Askotariko ekitaldi, ikastaro eta hitzaldien bidez, diasporako lagunek eta euskara ikasleek aukera izango dute euskal kulturan murgiltzeko. Europako eta Ameriketako zenbait txokotara iritsiko da Etxepare Euskal Institutuaren nazioarteko irakurletza sarearen baitan antolatutako kultur programen bidez.
Euskararen Nazioarteko eguna 1949an egin zuten lehenengo aldiz, Eusko Ikaskuntzak sustatuta. Ofizialki, hala ere, 1995an hasi ziren Euskararen Nazioarteko Eguneko jai, bilera eta bestelako ekintzak, euskal diasporak mundu osoko lehen kongresuaren karietara egin zuen garaian. Eusko Jaurlaritzak eta Euskaltzaindiak egoki ikusi zuten abenduaren 3a Euskararen Nazioarteko Eguna izendatzea.
Euskarari buruz gehiago jakin nahi duzu? Deskargatu liburu hau
Lotutako edukia
-
Hizkuntza gutxituen erronkak Parisera eraman ditu Etxepare Euskal Institutuak
‘Hizkuntza gutxituak testuinguru frankofonoan: itzuli, transmititu, eraldatu’ nazioarteko kongresua antolatu du Etxepare Euskal Institutuak Sorbonne Nouvelle eta Sorbonne unibertsitateetan, 20 bat hizlari hartu dituen biltzar akademikoan.
-
Euskaraz argitaratutako lehen liburua Baionan ikusgai
‘Linguae Vasconum Primitiae’ liburuaren erakusketa aurkeztu du Baionako Euskal Museoak bere mendeurrenean. 1545ko argitalpena urtarrilaren 11ra arte izango da ikusgai.
-
ENLIT literatur itzulpengintza sareko kide izendatu dute Etxepare Euskal Institutua
Literatur Itzulpengintzarako ENLIT European Network for Literary Translation Europako sareak, urtero Frankfurteko Liburu Azokaren testuinguruan antolatzen duen zuzendaritza-kontseiluaren bitartez, Etxepare Euskal Institutua sareko kide izatea adostu du iragan urriaren 17an.