MALBA Idazleen Egonaldia 2027 | Deialdia zabalik
2026/11/05
Euskara. Kultura. Mundura.
Etxepare Euskal Institutuarekin elkarlanean, MALBA museoak 2027ko Idazleen Egonaldirako deialdia ireki du. Egonaldiak bost aste iraungo du Buenos Airesen, eta idazleari bere literatura-proiektua garatzeko eta hiriko kultur bizitzan parte hartzeko aukera eskainiko dio.
Deialdian parte hartzeko gutxienez hiru literatura-liburu argitaratuta izatea eskatzen da. Egonaldiak bidaia, ostatua, bidaia-asegurua eta 500 dolarreko laguntza ekonomikoa barne hartzen ditu.
Eskabideak 2026ko azaroaren 2tik aurkez daitezke. Deialdiaren oinarriak eta izena emateko informazioa MALBAren webgunean daude eskuragarri. Etxepareren lankidetzari buruzko xehetasunak deialdiaren fitxan kontsulta daitezke.
2026ko edizioan, Beñat Sarasola izan zen Etxepare Euskal Institutuarekin elkarlanean hautatutako idazlea.
Euskal kultura eta sorkuntza garaikide biziaren lekuko izan nahi? Hemen da BASQUE. Creativity & Culture. aldizkaria
Lotutako edukia
-
Beñat Sarasola: «MALBAko egonaldia oso testuinguru emankorra da sormena garatzeko»
Beñat Sarasolak Buenos Airesko MALBA museoan egindako literatura-egonaldiaz, sorkuntza-prozesuaz eta euskal literaturaren nazioarteko zabalkundeaz hitz egin du.
-
Sortzaileen mugikortasuna sustatzeko AT! deialdiak zabalik
Dagoeneko kaleratu dira antzerkia, dantza, musika, arte plastiko eta ikusizkoak, zinema eta literaturaren alorreko sortzaileen mugikortasuna sustatzeko dirulaguntza-deialdiak. Halaber, irabazi asmorik gabeko nazioarteko kultur jarduerak gauzatzeko dirulaguntzak ere abian daude.
-
Memoria eta euskal sorkuntza garaikidea, bat eginik Venezian
Memoria eta sorkuntza garaikidea uztartu ditu I Baschi alla Biennale 1976/2026 programak maiatzaren 6tik 8ra, Venezian. Ezagutu xehetasun oro.