WOMEX 2025: Basque. Music.

Womex, munduko musika-profesionalen bilerarik garrantzitsuena, Tamperen (Finlandia) burutuko da urriaren 22etik 26ra.

Jaialdi honetan, 90 herrialdetako 2600 profesional baino gehiagok hartzen dute parte 7 eszenatoki, 700 erakunderen erakusketak, 100 hizlari baino gehiago, pelikulak, inaugurazio kontzertua eta sari banaketa gala bat izango dira, besteak beste.

Aurten, Maite Larburu taldeak Basque. Music.-ek jaialdian antolatutako showcasean parte hartuko du, urriaren 23an, offWOMEX STAGE (Olympia) agertokian.

Bertan, euskal musikak presentzia izango du Basque. Music. stand-aren bidez eta baita nazioarteko artisten artean zabalduko den Basque. Music. 2025 katalogoarekin ere. Euskal Herriko musika nazioartekotzeko helburua du Basque. Music. Plataformak, Musika Bulegoak, Etxepare Euskal Institutuak eta Eusko Jaurlaritzak sustatzen dutena.

Beste edizio batzuetan, Neomak (2023), Amak taldea (2021), Juan Mari Beltran (2017), Kalakan taldea (2018), Topa-K proiektua (2019) edo Xabi Aburruzaga (2020) izan dira Basque. Music.-ek Womexen antolatzen dituen kontzertuetan.