Adi!
Atal honetan kultur sektoreei zuzendutako albiste profesionalak eta albiste akademikoak aurkituko dituzu, besteak beste.
Euskara. Kultura. Mundura.
Harpidetu gure alerta profesionalen zerbitzura eta jaso jakinarazpenak zure intereseko deialdiak irekitzen ditugunean.
-
2021-09-17 Irakurle izateko ikastaroan izen-emateko epea, luzatuta
Irailaren 22ra arte eman ahalko dute izena Giza eta Gizarte Zientzietako goi-mailako graduatu eta lizentziadunek. Helburua da euskara atzerriko hizkuntza gisa irakasten duten irakasle edo irakurleen prestakuntza osatzea.
-
2021-08-06 Atzerriko unibertsitatetan euskara edo euskal kultura irakasle izateko ikastaroa urrian hasiko da
Urriaren 1etik azaroaren 27ra egingo da. Ikastaroko saio batzuk modu presentzialean emango dira eta beste batzuk telematikoan. Matrikulazio epea abuztuaren 16tik irailaren 15era egongo da zabalik.
-
2021-07-02 Sortzaileen mugikortasunerako dirulaguntzen deialdiaren bigarren epea, martxan
Urriaren 30era bitarte egin ahalko dira eskaerak. Uztailetik abendura burutuko diren jarduerak laguntzera dator deialdia.
-
2021-06-01 Kimuak 2021 film laburren deialdira 47 lan aurkeztu dira
Datorren astelehenean, ekainaren 7an, emango da jakitera Kimuaken 24. katalogoa osatuko duen lanen aukeraketa.
-
2021-06-01 Etxepare – LABORAL Kutxa Itzulpengintza Sariaren deialdia, irekita
Hautagaiek ekainaren 25era bitarte edukiko dute euren itzulpen lanak aurkezteko aukera. Sari banaketa honek euskaratik egindako itzulpengintza balioan jartzea du helburu.
-
2021-05-18 Irekita dago Suns Europe jaialdian parte hartzeko deialdia
Jaialdiaren helburua da hizkuntza komunitate txikien sektore kultural eta sortzaileak indartzea, batez ere arte garaikidea sustatzeko.
-
2021-05-03 Eneko Bidegainek diasporatik euskal herriari buruzko informazioa nola lortzen duten aztertuko du
Nevada-Renoko Unibertsitateko Center for Basque Studiesen (CBS) egoitzan urtero edo bi urtean behin egin ohi den ikerketa egonaldiak, Jon Bilbao Katedrak alegia, badu ikerlaria aurtengo ediziorako. Ikertzaileak hilabeteko egonaldia egingo du abuztua eta abendua artean.
-
2021-04-27 Literatura itzulpenetarako dirulaguntzak (2021)
Guztira, 64.000 euro bideratuko ditu Etxepare Euskal Institutuak; eta aurten, lehen aldiz, edizio eta sustapen gastuak ere diruz lagunduko dira.
-
2021-04-27 Jarduera ez profesionalak garatzeko dirulaguntzak (2021)
Etxepare Euskal Institutuak zabaldu du euskal kultura sustatzeko eta hedatzeko jarduera ez profesionalak garatzeko dirulaguntzak (2021) eskatzeko epea.
-
2021-04-22 MIN sarietako publikoaren bozketa epea zabaldu da
Musika Independientearen MIN sarietako bozketa fasea martxan da. Maiatzaren 4ra bitarte bozkatu ahalko du entzulegoak, eta hurrengo egunean, hilak 5, jakinaraziko dute zeintzuk diren kategoria bakoitzeko 15 artista edo talde bozkatuenak.
-
2021-04-20 Beste urte batez Basque Audiovisual Sunny Side of the Doc-en izango da
Euskal dokumentalek, aurten ere, Sunny Side of the Doc nazioarteko azokan parte hartzeko aukera izango dute Basque Audiovisualen eskutik. Aurten internet bidez egingo da ekainaren 21etik 24ra, eta katalogoan izen emateko epea zabalik dago.
-
2021-04-11 MIN sarietan izen-emateko epea zabalik dago
Musika Independientearen Sarietara hautagaitzak aurkezteko izen-emate epea zabaldu dute. 2020. urtean zehar autoeditatutako edo argitaratutako albumekin, EPekin edo singleekin argitaratutako artista eta zigilu independente guztientzat. Edizio honetan, izena emateko epea apirilaren 11n amaituko da.