Albisteak
Albisteak
Irakurri euskara eta euskal kultura eta sorkuntzaren garaikidearen alorreko berriak.
Euskara. Kultura. Mundura.
-
2021-10-15 Gabriel Erkoreka konpositoreak irabazi du Espainiako Musika Saria
Gabriel Erkoreka konpositoreak irabazi du Espainiako Musika Saria “sortzaile gisa duen ibilbide bikainagatik eta bere konposizio-hizkuntzaren aberastasunagatik, nabarmentzekoa izanik euskal instrumentu tradizionalen sonoritatearen fusio pertsonala”.
-
2021-10-14 consonni argitaletxe eta espazio kultural independientea, documenta 15en
Nazioarteko erakusketa ospetsua 2022ko ekainean egingo da Kassel-en (Alemania). Bertako komisarioek 2020ko otsailean ezagutu ahal izan zuten euskal testuingurua, Etxepare Euskal Institutuak gonbidatuta.
-
2021-10-11 Diasporako hiru ikaslek hasi dute bi hilabeteko ikasketa-egonaldia Maizpiden
Lehen aldiz testuinguru euskaldunean murgilduta egingo duten ikastaro trinkoa amaitu eta gero, euskara irakasle arituko dira nor bere hiriko euskal etxean.
-
2021-10-06 Euskal sorkuntza literarioari leihoa irekiko dio Quebecek
Literatura eta eleaniztasuna ardatz izango dituen kongresua egingo da Laval Unibertsitatean eta ‘Québec en toutes lettres’ jaialdiak euskal literaturari eskainiko dio gau bat.
-
2021-10-05 Euskal arte eszenikoek irabazi dute, berriz, Max Sarietan
14 konpainiak eta 31 artistek jaso dituzte hautagaitzak profesionalen lana eta arte eszenikoen arloan urteko ekoizpen aipagarrienen sarietako hainbat kategoriatan.
-
2021-09-30 Nami Kaneko japoniarrarentzat da Etxepare – LABORAL Kutxa Itzulpen Saria
Bizitza berria eman dio Nami Kaneko itzultzaile japoniarrak ‘Soinujolearen semea’ eleberriari. Zuzenean itzuli du euskaratik japonierara, eta lan horren kalitatea aitortzeko asmoz, Etxepare – LABORAL Kutxa Itzulpengintza sariaren zazpigarren irabazle izendatu du epaimahaiak. Shigeki Tabata editorearen gidaritzapean, Shinchosha argitaletxeak plazaratu du lana.
-
2021-09-22 Miren Agur Meabek irabazi du Espainiako Poesia Saria
Lehen aldiz, euskarazko liburu batek jaso du aitortza. ´Nola gorde errautsa kolkoan´ olerki liburua 2020an argitaratu zuen Susa etxeak.
-
2021-09-22 Peredindod: euskal paisaiaren soinuak eta marrazki bidezko elkarrizketa bat
Asisko Urmeneta eta Oihana Iguaran eta Amaia Gabantxoren proiektu digitalak martxan dira, Invertigo, Cwmni Tebot eta Etxepare Euskal Institutuak Galesen antolatu duten ekimen digitalari esker.
-
2021-09-22 Kimuak programak jaso du Donostiako Zinemaldiaren Zinemira Saria
Etxepare Euskal Institutuak eta Euskadiko Filmategiak sustatzen duten euskal film laburren programak jaso du euskal zinemagintzaren alorreko pertsona ospetsu baten ibilbidea aitortzeko asmoz Zinemaldiak eta EPE eta IBAIA ekoizle-elkarteek ematen duten saria.