Euskal Herriko ikus-entzunezko enpresak, EIKEN, Etxepare Euskal Institutua eta Zineuskadirekin batera, ohikoak dira Cannes-en egiten den entretenimendu edukien azoka garrantzitsu honetan.
Albisteak
2019-10-10
2019. urte hasieratik hona, #ScotlandGoesBasque programaren eskutik, euskal kultura garaikidea erakusgai izan da Eskoziako kultur programa nagusienetako batzuetan: musika Celtic Connections jaialdian; zinema CinemaAttic plataformaren programazioan eta Edinburgh International Film Festival zinema jaialdian; arte eszenikoak Fringe-en eta literatura Edinburgh International Book Festival-en.
2019-10-04
Urriaren 7tik 11ra bitarte burutuko da City University of New York (CUNY) unibertsitateko Bernardo Atxaga Katedraren urteroko programa akademikoa. Aurtengoan bakegintza eta elkarbizitzari euskal kultura eta literatura lanek prozesu berritzaileen bidez eginiko ekarpenean jarriko du arreta, eta Annabel Martínek, Dartmouth Collegeko irakasle eta Espainiako kultura garaikidean aditua denak emango du.
2019-10-04
Ana Malagon euskal idazlea Wroclaw hirian (Polonia) antolatzen den Opowiadania International Short Story Festival jaialdian izango da egunotan. Irailaren 27an hasi eta urriaren 6ra arte luzatuko da nazioarteko idazleak biltzen dituen topaketa hau.
2019-10-02
Kanpoko Euskal Gizataldeen VII. Mundu Batzarra Bilboko Euskalduna jauregian egingo da, urriaren 2tik 4ra, eta “SAREGINTZAN” lelopean, euskal gizataldeen eta euskal instituzioen arteko topaketa, lana eta lankidetza sustatzea izango ditu helburu. Iñigo Urkullu Lehendakaria izango da buru Batzarraren irekiera-ekitaldian.
2019-10-01
Zinegile donostiarraren azken filmak, Oreina, urriaren 1tik 8ra egingo den nazioarteako Black Canvas zinemaldian izango du estreinaldia Mexikon
2019-09-27
Euskal PEN kluba, International PEN nazioarteko idazle elkartearen zentroetako bat da, euskal literatura eta kultura atzerrian erakustea xede duena. Berriki 19. Basque Writing argitalpena atera dute, Writing in a small language (Hizkuntza txiki batean idaztea) izenburuarekin, eta bertan Euskara bezalako hizkuntza gutxitu batean idazle izatearen gogoetak plazaratu dituzte Euskal Herriko hainbat idazlek.
2019-09-25
Irailaren 26an, Hizkuntzen Europako Egunean, emango zaio hasiera Bruselan egiten den Transpoesie poesia jaialdiari. Ekimen honek Europako hizkuntza anitzetan egindako poesiaren aberastasuna azaleratuko du, lau ostegun jarraietan egingo diren ekintzetan, urriaren 17an amaituta. Lehen ostegunean egingo den ekitaldira, Luis Garde euskal poeta gonbidatu dute.
2019-09-24
Ikasturtea intentsitate handiz hasi du Etxepare Euskal Institutuak. Euskara eta euskal kultura nazioartean zabaltzeko eta merkaturatzeko dituen sareak erabiliz, nazioarteko azoka eta jaialdietan izango da Institutua udazken honetan, bere lana munduan zehar erakusteko asmoz; baita foro horietara kultur arlo ezberdinetako hamaika euskal artista, enpresa eta proposamen joan daitezen bideak eskaini ere. Horrez gain, Institutuak nazioarteko hainbat unibertsitaterekin elkarlanean sustatutako hainbat ekimen berriz ere jarriko dira martxan ikasturte berriari begira.
2019-09-23
London Spanish Film Festival jaialdiak, irailaren 25etik 29ra Erresuma Batuko hiriburuan egingo denak, 10. aldiz antolatuko du aurten Euskal Leihoa izeneko atala. Jaialdiaren egitarauaren barruan, aurten ere, euskal zinemak azken urteetan eman dituen ekoizpen interesgarri batzuk egongo dira ikusgai, gehienak estreinako aldiz Erresuma Batuan; orotara, fikziozko bi film luze, film labur bat eta dokumental bat.